Face Of Nation 08-05-2025 : જમ્મુના રહેવાસીએ હાલમાં જ એક વિડીયો પોસ્ટ કર્યો છે. આ વીડિયોમાં તે સંપૂર્ણ હકીકત દેખાડી રહ્યો છે. તેણે જણાવ્યું છે કે, ‘મેં હવામાં ઓછામાં ઓછા બે વિસ્ફોટ જોયા”. પાકિસ્તાની ડ્રોન દ્વારા શહેર પર હુમલો કરવામાં આવ્યા બાદ તેઓ ડરી ગયા છે.
“હું બહાર નીકળતાની સાથે જ, મેં હવામાં ઓછામાં ઓછા બે વિસ્ફોટ જોયા અને પછી અચાનક અંધારપટ છવાઈ ગયો,” તેમ તેને વધુમાં જણાવ્યું છે. હું નજીકના મારા મિત્રના ઘરે દોડી ગયો અને જ્યારે હું મારી કાર પાર્ક કરી રહ્યો હતો, ત્યારે મેં થોડા વધુ વિસ્ફોટો સાંભળ્યા અને હવામાં થોડા ટ્રેસર રાઉન્ડ જોયા જે લાલ હતા,” તેમ તેણે વધુમાં ઉમેર્યું છે. સાથે જ જમ્મુના એરપોર્ટને પણ નુકસાન કરવામાં આવ્યું હોવાનો દાવો આ વીડિયોમાં કરવામાં આવી રહ્યો છે. નિયંત્રણ રેખા નજીક પરિસ્થિતિ ગંભીર છે, ત્યાંના ગ્રામજનો કહે છે કે તેઓ વચ્ચે ફસાઈ ગયા છે. લોકો ખૂબ જ ગભરાયેલા છે. બંને સેનાઓએ સતત બીજી રાત્રે નિયંત્રણ રેખા પર ભારે તોપમારો કર્યો છે. (આપની આસપાસ બનતી માહિતીના ફોટા કે વિડીયો અથવા આપની રજૂઆત કે જેને તમે સમાચારમાં સ્થાન આપવા માંગતા હોય, તેને 9328282571 પર વોટ્સએપ કરો અથવા [email protected] ઉપર ઇમેઇલ કરી શકો છો).
GSTના શુક્લા સાહેબ સેટિંગ કરતા હતા ? : સાંભળો ખુદ ઊંઝાના ટ્રાન્સપોર્ટર પ્રબોધ શર્માંનો ઓડિયો
GST ચોરીના કૌભાંડ બાદ ઊંઝાના ચીટર પ્રબોધ નરેશ શર્માનું સરકારને ચૂનો ચોપડવા બનાવટી ખાતર કૌભાંડ
